يقولكم في عيوز على فراش الموت وما عندها إلا ولد واحد .... وهي على فراش
الموت
قالت له وصية
اخذ ياولدي الورقة هذي ... وأي بنت تشوفها ( بأي مكان ) إفتح لها الورقة ( وخلها تقراها )
وياويلك (( إذا قريت اللي فيها )) أنت ما تشوفها
مولا تفتح الورقة .... إلا إذا وافتك المنية ... وقربت تموت
قالها إانشالله يمه ....... وماتت الأم <== الله يرحمها
حزن الولد حزن شديد .... وضاق صدره
بعد مده ..... قال لازم أنفذ وصية أمي
طلع بره البيت .... وبالصدفة وهو مار من عند ( محل كافي شوب )
قال يالله ... اطلب لي فنيان قهوة أعدل الراس فيه
دخل المطعم ........ طلب قهوة
المهم يت له الجرسونه ( بنت ) ... وقدمت له القهوة
وهو يشرب القهوة ... قال ليش ما أوريها الورقة ... فكرة والله
قام أخينا بالله وفتح لها الورقة
البنت على طوووووول ... قامت تصارخ عليه
ياللي فيك ومافيك ... يالخسيس ... يالحقير
ياقليل الأدب .... يا عديم الذمة يا عديم الضمير ... يا منحط ... ياسافل
الريال .... منصدم وويهه صار جذي ... مايدري شالسالفة
وياله راعي الكافي .... وطرده
المسيكين ضاق صدره ... وحزت بخاطره
قال أكيد البنت هذي مينونة ... أكيد فيها شي
طلع من الكافي ... ومشى في الشارع ... وبالصدفة لقى ملاهي ... قال أبي أدخل فيها
دخل الملاهي ... وراح يلعب فيها
راح إلى لعبة تصادم السيارات <=== يحبها من يوم كان صغير
مالقى ولا سيارة فاضية .... شافته بنت ... قالت له .. تعال إركب معاي
الريال إستانس حيييل ... فرح ... ركب معاها ... وقام يلعب
وسوالف ... وضحك .. ووناسه
وبالأخير .... عزمته على برّد (آيسكريم) .... فرح وايد ... ماصدق خبر
راحوا يشترون البرّد (آيسكريم )... وقعد يسولف معاها
قال أبي أوريها الورقة ... أكيد تختلف عن البنت اللي في الكافي ... فتح لها الورقة
البنت على طوووووول
ياللي فيك ومافيك ... يالخسيس ... يالحقير
ياقليل الأدب .... يا عديم الذمة يا عديم الضمير ... يا منحط ... ياسافل
طقته طق اليهد والعنت الطاهر ما فيه ... وانحاش المسكين منها
ولي الحين الريال ..... مايدري شالطبخة
ونفسه يقرأ اللي في الورقة ... لكن أمة ... محذرته
راح للبيت ... مر على مطعم ... قال ليش ما أتعشى
طلب عشا مجبوس دياي .... وراح اكلها بالبيت فيها بالبيت ... وشبع
بالليل عوره بطنه ... قام يتأوه ويتألم ... الظاهر فيه ( زايدة )
طار للمستشفى ... سووا له عملية زايدة
يوم صحى من النوم ... شاف الممرضة جدامة ... قال أكيد هذي تختلف عن الباجي
اهي بترحمني ... أنا مريض ... وراح تعطف علي
وقام صاحبنا بالله ... وعطاها الورقة
البنت على طوووووول
ياللي فيك ومافيك ... يالخسيس ... يالحقير
ياقليل الأدب .... يا عديم الذمة يا عديم الضمير ... يا منحط ... ياسافل
وقومي وأحذفيه من عند الدريشة ( النافذة )
تعقد المسكين ..... صار مينون .... قال مالي قعده بهالديره هذي ..... أكيد كلهم ميانين
مالي إلا السفر ..... خارج الديرة هذي
قص تذكرة على اول رحلة خارج البلد .... ركب الطيارة
وقعد في الكرسي ... يت له المضيفة تخدمــه <== بنت ... أنتو عارفين شبيسوي لها
يابت له العصير ... وقال بإذن الله راح اوريها الورقة
أكيد هذولي البنات .. طبقتهم فوووووق ... لأن مستواهم عالي ... ومحترمين
فتح الورقة لها .......... والبنت على طوووووول
ياللي فيك ومافيك ... يالخسيس ... يالحقير
ياقليل الأدب .... يا عديم الذمة يا عديم الضمير ... يا منحط ... ياسافل
والله لأنادي لك السوبرفايزر ... أشتكيه عليك
جاء السوبرفايزر ... وسمع القصة من المضيفة
قال ..... أبداً .... أبداً .... مالك قعده بالطيارة هذي ... أبداً
ما فيه إلا حل واحد ........ مافيه غيره .... نحذفك من عند باب الطيارة <== والله ياناس رحمتـــه
استخف الريال وصار مينون زياده وإنفقعت مرارته ....
ولي الحيييييييييييييييييييييي
يييييييييييييييييين
ما يدري شالطبخة ..... قال لهم معزمين من عند الباب
قالوا أبد ... من عند الباب ... قال شكواي إلى الله
اللهم إني أنفذ وصية أمي ...... طيب ... أنا عندي طلب ممكن ...... قالوا تفضل
قال لهم ... وأنا واقف عند الباب .... قبل ما تحذفوني من الطياره .... ودي أقرأ الورقة
لأن سالفة أمي كذا وكذا ... وقالهم إن أمة موصيته إنه مايقرأ الورقة ... إلا إذا ياله الموت
وهو أكيد راح يموت لأنه بيطيح من الطيارة
الزبدة ... وهو واقف على الباب ومفتوح حاشهم هوا قوي ... عجزوا يسوقون الطيارة
وعلى وشك إنهم يحذفوووونه عشان يطيح .... فتح الورقة ..... عشان يقراها
أخينا بالله أول ما إنفتح الباب ... فتح الوررقة
شصار له ؟!؟!؟!
طارت الورقة
واحذفوووووه من عند الباب وطاااااح
ومات المسكين وهو ما يدري وش في الورقة
وأنا أيضـــــــــــــــاًًًًًً
ًً .... ما أدري شفيها
موضوع: قصه مؤلمه وحزينه جدا 
الثلاثاء 09 فبراير 2010, 8:56 pm
